Puntu y coma

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Puntu y coma}} ~~~~

El puntu y coma (;) ye un signu ortográficu y de puntuación que consiste d'una coma na parte inferior con un puntu na parte cimera. Úsase pa dixebrar idees xenerales, por exemplu:

María taba bien murnia pola calificación del so exame. + "Va tener qu'esforciase más. = "María taba bien murnia pola calificación del so exame; va tener qu'esforciase más."

Ta lloviendo enforma. + Nun vamos poder dir caminando. = Ta lloviendo enforma; nun vamos poder dir caminando.

Xeneralmente tamién pue sustituyise por construcciones del tipu:

María taba murnia pol exame y va tener qu'estudiar más.

Nun vamos poder dir caminando porque ta lloviendo enforma.

• Pa dixebrar los elementos d'una enumeración cuando se trata d'espresiones qu'inclúin comes:

Había que tar en contautu cola naturaleza; dexar entrar el cielu, el mar y el vientu; dormir sobre tablones, sobre'l suelu; sentase en sielles mediu rotes.

• Delantre de les conxunciones o llocuciones como pero, mas, anque, sicasí, por tanto, por consiguiente, cuando los periodos tienen ciertu llargor:

Trabayemos como llocos nesi proyeutu porque teníamos enfotu; sicasí, los resultaos nun fueron los qu'esperábamos.

• Pa xunir dos proposiciones:

Munchos fueron los que queríen llegar a la meta; pero [conxunción adversativa] fueron pocos los que pasaron.

Pue utilizase tamién cuando se xunen oraciones que dientro d'elles yá lleven coma.

N'oraciones llargues, antes de les conxunciones: anque, más, pero, ente otres. Cuando dos oraciones se xunen ensin una conxunción.

Polo xeneral, ente dos oraciones amestaes, cuando'l significáu o la oportunidá de la segunda depende de la primera:

Vini n'autobús; ye que tengo'l coche nel taller.